AXUDANDO AO PEQUENO COMERZO

Chegou ás nosas mans un folleto que convocaba un concurso para promover o pequeno comercio nas vilas galega. Pois ben, partindo desta premisa, os rapces de 2º ESO fixeron un proxecto cuxo produto final era un video publicitario onde se fomentara a venda no comercio de proximidade.

En primeiro lugar, o alumnado tivo que aprender o que era a linguaxe publicitaria, como convencer ao público de que o que anuncian é a mellor opción.

Logo, cada integrante do equipo de traballo fixo un relato que contaba unha experiencia no pequeno comercio.Cada membro do equipo elixía a mellor historia do seu grupo e máis tarde, despois de aprender como se facía un guión, redactaron os guións das súas curtas.

Os guións debían seguir as pautas dadas a través dunha rúbrica, así saberían se estaban a facelo ben.

 Por último pasouse á fase máis divertida, a de gravación dos videos.

Desde aquí queremos dar as grazas a todos os que colaboraron para que este proxecto se levara a cabo: Cacharreira, Marisa Piñeiro, Piscina Municipal, ......

Aquí vos deixamos algunhas imaxes dos traballos.

GÓTICO OU ROMÁNICO?

Ás veces non somos conscientes da riqueza do noso patrimonio e da necesidade de conservalo como unha herdanza preciosa dos nosos antepasados. 

Na materia de Xeografia e Historia achegámonos este curso ao ROMÁNICO E O GÓTICO e a través da súa arquitectura, pintura e escultura coñecemos un pouco máis dos seus rasgos característicos que definen, identifican e diferencian cada unha das súas obras.

Este foi o obxectivo final desta primeira parte do proxecto de arte de 2º ESO que comezamos cun mapa mental para sintetizar os contidos que íamos investigar.

Durante varias sesións, identificamos e profundizamos nos elementos arquitectónicos (contrafortes, arcos, portadas, rosetóns …) que están presentes en igrexas e mosteiros de Europa para así chegar ás principais diferencias dos dous estilos.

Para rematar, chegaba a parte creativa: recompilar todos eses datos nun libro manuscrito que procurara imitar a eses códices que elaboraban os monxes na Idade Media.

Aquí podedes comprobar un exemplo do vistoso resultado que estará exposto no corredor do colexio.