miércoles, 30 de mayo de 2018

VISITA Á BIBLIOTECA


Os alumnos de 2º da ESO visitamos  a Biblioteca Municipal de Pontedeume para achegarnos ao proceso de catalogación dos libros, un dos aspectos tratados na nosa materia de Investigación e Tratamento da Información. Quen mellor que Alexandre Caínzos, o noso  bibliotecario, para explicarnos a CDU (Clasificación Decimal Universal), o sistema máis utilizado no mundo para catalogar e ordenar fondos bibliográficos.
Ademais de escoitalo atentamente, Alexandre ensinounos a sala de literatura xuvenil da biblioteca onde podemos atopar centenares de libros dispoñibles para que poidamos vivir outra vida, mergullarnos en aventuras e deixar voar a imaxinación.

Ler debería ser sempre un pracer.